تاو د مینی می زړگی په نڅا راوړ چه د یار د راتلو زیری سبا راوړ
د غنچی په څیر به څیری گریوان گرزم که لیلی سپینه بشره په ښکلا راوړ
خوار مین به تکه سره شی له خندا نه محبوبا د میو ډکه سهبا راوړ
له خندا نه به زما خوله پټه نشی ستا د مینی پیغام ما ته که چا راوړ
چه د یار د راتلو غږ شه په چمن کی گلاب ځکه ورته څیری قبا راوړ
سپیلنی پشان به زه ترینه لوگی شم مرور اشنا که بیا چا پخلا راوړ
د رباب د کوڅی خاوری به جارو کړم چه ئی ماته ستا له خوا نه سلا راوړ
مرور جانان به نن سبا پخلا شی که قاضی ورته جرگه د ملا راوړ